Владе изгради манастир откако светец седум години му доаѓал на сон
Манастирот „Св. Спас“ на ридот над селото Црнобуки е дело на Владе Чагорски, кој со помош на други луѓе и собирање на донации почнал да го гради светиот храм во 2015 година, откако претходно седум години молчел и не го раскажал својот сон.
Владе дури седум години го сонувал истиот сон на кој светец од него побарал да подигне дом, но конечно решил да прозбори во 2015 година и им раскажал на соселаните за светецот.
Жителот на Црнобуки имал големи маки затоа што постојано светецот го носел на местото каде што е изграден манастирот и му кажувал дека таму се наоѓа неговиот дом, по што побарал од ктиторот Владе да му го обнови.
На местото на манастирот постоела круша која била стара 62 години, а Владе им раскажал на соселаните дека од неа излегувал светецот и го повикувал да дојде на ова место.
Со помош на донации од странство, соселаните, но и други верници бил подигнат храмот кој засега не е осветен, но е призна од Македонската православна црква (МПЦ) и во него доаѓа свештеник.