Македонка која цртајќи светци креира духовни ремек-дела

Ве носиме во Струмица, каде и ве запознаваме со млад уметник чие патешествие се одвива како времеплов на спој од креативност и страст. Запознајте ја Марија, чија уметничка одисеја започна во невиноста на младоста, каде што цртањето и боењето не беа само забава, туку патишта до себеоткривање и изразување.

Иако нејзините корени во Струмица можеби директно не го обликуваат нејзиниот уметнички идентитет, Марија останува благодарна за признанието што нејзиниот роден град му го додели на нејзиниот растечки талент. Сепак, нејзината вродена фасцинација со светото и духовното беше она што ја насочи нејзината уметничка траекторија кон волшебно царство на цртањето светци.

1. Можете ли да ни кажете за вашето патување како уметник? Што ве инспирираше да почнете да цртате и како го развивте вашиот интерес за цртање на светци?

-Моето патување како уметник започнува од мала. Како мал уметник цртањето и боењето ги негував како хоби и го задржав тоа хоби до денес и мислам дека секогаш ќе остане дел од мојот живот. Цртањето на светци остави голема трага во моето патување како млад уметник и ми помогна доста да се прославам низ луѓето, но за мене боењето на платно беше она кое го карактеризираше мојот став кон уметноста и помогна да знам дека ова секогаш ќе остане дел од мене. Светците почнав да ги цртам без некоја претходно определена идеја за да продолжам со нив.

2. Струмица е уникатно место со свои културни влијанија. Како растењето во Струмица, влијаеше на вашето уметничко развивање?

-Струмица како град и нема некое посебно значење во моето уметничко развивање, ама преблагодарна сум што го забележаа мојот труд.

3. Иконографијата е значајна традиција во православното христијанство. Како му пристапувате на процесот на создавање на овие свети слики? Дали има специфични техники или материјали што претпочитате да ги користите?

-Овие свети слики ги цртам бавно. Во зависност од сликата, цртањето ми одзема од 5 до 7 дена за една целосно готова слика. Во овој процес на подготвување на сликата користам најразлични материјали, нијанси на црна, сива и бела боја.

4. Можете ли да ја споделите со нас приказната зад едно од вашите омилени дела?

-Мое најдраго дело, воедно и мое прво дело на платно беше слика од балерина која ја подготвував за роденденот на мојта помала сестра. Темата на мојата последна слика на платно е моќта на прегратката. Таа исто така ми е една од омилените слики.

5. Како млад уметник, дали се соочувате со некакви предизвици во следењето на вашата страст за цртањето на светци?

-Еден од најголемите предизвици кои ги имам превземено во животот е всушност самата одлука за цртањето на светци покрај сите останати професионални уметници. Мислите дали ќе бидам доволно добра и дали ќе успеам ги стишив со сите комплименти кои ги добивам секојдневно, тие ме прават пресреќна. Непосакуваните коментари нема никогаш да ме спречат во патот до успехот. За секој да посака да каже нешто без разлика дали добро или лошо, потребно е пред сè да се привлече нивното внимание, затоа секој коментар ме мотивира да продолжам.

6. Дали има некои специфични светци или икони кои имаат посебно значење за вас лично?

-Ние дома го празнуваме Водици. По повод тој празник јас почнав со една голема изработка која сè уште е во тек и искрено таа ќе ми биде една позначајните дела кои ги имам изработено.

7. Надвор од православната иконографија, дали истражувате други теми во вашето уметничко растење?

-Се разбира дека да, истражувам и други теми во моето уметничко растење освен иконографијата. Последниов период сум сконцентрирана на цртање светци од причина што тоа предизвика доста реакции помеѓу луѓето и се јавија доста заинтересирани купувачи.

8. Конечно, каков совет би им дале на другите млади уметници кои се заинтересирани да ги истражуваат традиционалните теми во нивните уметнички дела, како православната иконографија?

-Како совет за сите млади уметници би им препорачала никогаш да не престанат да создаваат и да не се откажуваат од она кое што сакат да го прават. Мене ми е многу мило кога ќе видам други луѓе заинтересирани да ги истражуваат традиционалните теми во нивните уметнички дела. Во секое дело оставате дел од себе, ваш отпечаток без разлика видлив или не. Еднаш прочитав: „Го паметиш малото девојче што обожаваше да црта? Осмели се повторно да и ги дадеш боиците во рака и да видиш што ќе се случи“. Ова беше тоа поради што се решив колку обврски и да имам во животот никогаш да не престанам да го правам она кое ме исполнува и прави да се чувствувам целосна.

Приказната на Марија остава неизбришлива трага во нашите срца и е доказ за моќта на страста и истрајноста во потрагата по уметничко изразување. Преку нејзината уметност, таа нè потсетува дека креативноста не познава граници и дека вистинското исполнување лежи во прифаќањето на нашите страсти без резерва.

Во нејзините разделни зборови на мудрост, таа одекнува чувство што длабоко резонира и кај уметниците и кај сонувачите – никогаш не ја напуштајте искрата на креативноста во вас, бидејќи токму во негувањето на тој пламен го наоѓаме нашето највистинито јас.

Па така додека Марија продолжува да ги плете своите соништа на платно, нека нејзиното патување инспирира безброј други да се осмелат да го презамислат светот низ објективот на сопствената креативност.

Доколку сте заинтересирани и сакате да си купите едно или повеќе од ремек-делата на талентираната Марија, тогаш може да ја контактирате ТУКА (кликнете).